Search
  • stjornkynis

Kynlífstæki og sleipiefni

Ritað af Elvu Björk Pálsdóttir, Sálfræðinema við Háskólann í Reykjavík.


Um kynlífstæki

Þó kynlífstæki séu jafn fjölbreytt og þau eru mörg og sífellt auðveldara er að nálgast þau, er þessi lífsbetrun langt frá því að vera nýjung. Sjálfsfróun er alls ekki nýtt fyrirbæri en í gegn um tíðina höfum við mannfólkið fundið leiðir til að auðvelda okkur verkið og gera það ánægjulegra. Sem dæmi hafa fornleifafræðingar fundið ílanga gripi frá 40,000-9,700 f. k. sem virðast hafa verið notaðir í kynferðislegum tilgangi. Seinustu ár hefur feimnin tengd kynlífstækjum minnkað og ekki er lengur nauðsynlegt að markaðssetja titrara sem saklaus nuddtæki. Þessi jákvæða þróun hefur valdið auknu úrvali og flestir ættu að geta fundið eitthvað fyrir sig.


Úr hverju eru kynlífstæki

Efnið sem kynlífstækið er gert úr getur sagt mikið til um vöruna, sumt efni hentar ákveðnum blætum og stundum er efni tækisins vísbending á gæði, eða skort á þeim. Það er ekki til neitt sem kallast hið fullkomna efni fyrir kynlífstæki, heldur fer það algjörlega eftir einstaklingnum og hvað hann/hún/hán leitast eftir. Því höfum við tekið saman helstu kosti og galla hvers efnis til að auðvelda þér valið.


Gler

Kostir:

  • Heldur hita og kulda vel: Fyrir þau sem vilja leika sér með hitastig er hægt að setja glervöruna í heitt vatn eða í ísskáp

  • Elegant og flott: Dildóar úr gleri eru oft mjög fallegir, svo þú gætir auðveldlega komist upp með að stilla þeim upp á hillu með hinum styttunum þínum frammi í stofu

  • Gert úr sérstöku gleri sem mun ekki mölbrotna ef varan dettur í jörðina

  • Slétt yfirborð sem auðveldar þrif

  • Gallar:

  • Varist snöggar hitastigsbreytingar: Þó glerið sé harðgert, geta snöggar hitastigsbreytingar (t.d. að taka glerið beint úr frysti og setja það í pott með sjóðandi vatni) valdið sprungum



Sílikon

Kostir:

  • Mjúkt og þægilegt viðkomu

  • Endist lengi: Ef varan er reglulega þrifin og vatnsleysanlegt sleipiefni notað, getur hún enst í mörg ár

  • Auðvelt að þrífa og engin lítil göt þar sem bakteríur eða veirur geta leynst

Gallar:

  • Hátt verð: Sílikon er ekki ódýrt efni, aftur á móti er það mjög endingargott og þannig má réttlæta hærra verð

  • Mikilvægt að nota ekki sílikonleysanlegt sleipiefni, því það getur skemmt sílikonið til lengri tíma

Plast

Kostir:

  • Hentar vel fyrir titrara: Bullet-titrarar eru gjarnan úr plasti þar sem titringurinn kemst auðveldlega í gegn og gefa grunnan en sterkan titring

  • Slétt yfirborð sem auðvelt er að þrífa

Gallar:

  • Ekki jafn fallegt: Sumum gæti fundist plastvörur útlitslega séð ekki jafn fín eða heillandi samanborið við vörur úr gleri eða sílikoni

Málmur

Kostir:

  • Heldur hita og kulda vel: Hentar vel fyrir þau sem vilja leika sér með hitastig, en er oft kalt viðkomu til að byrja með

  • Þungt: Vörur sem eingöngu eru gerðar úr málmi eru gjarnan þungar, sem býður upp á öðruvísi upplifun, t.d. ef um er að ræða buttplug úr málmi

  • Slétt yfirborð sem auðveldar þrif

Gallar:

  • Of mikið af því góða: Sumum gæti fundist óþægilegt að varan sé oft köld viðkomu. Einnig gæti þyngdin verið of mikið fyrir suma

Gúmmí

Kostir:

  • Ódýrt efni = ódýr vara

Gallar:

  • Geta innihaldið mikið af phthalate: Phthalate er oft bætt í gúmmíið til að gera það beygjanlegra og teygjanlegra. Þetta er eitrað efni sem getur haft áhrif á æxlunarfærin, valdið hormónaójafnvægi og krabbameini

  • Erfitt að þrífa: Gúmmí er með mörgum litlum holum/götum sem bakteríur og veirur geta komist í. Því er mælt gegn því að fleiri en ein manneskja noti sömu gúmmívöruna til að koma í veg fyrir smitsjúkdóma

  • Lykt: Gúmmívörur gefa frá sér gúmmílykt og jafnvel óákjósanlegt bragð

Skaðleg kynlífstæki?

Það getur verið freistandi að kaupa ódýrasta titrarann í búðinni, en hafa skal í huga að þá skortir oft gæði.

  • Mikilvægt er að vita hvað er í vörunni, þar sem skuggalega ódýr kynlífstæki eru oft á lægra verði vegna þess að ódýrari og mögulega skaðlegri efni eru notuð við framleiðslu þeirra.

  • Góð þumalputtaregla er að ef varan gæti týnst inn í þér, ættir þú ekki að setja það inn í þig. Undantekningin hér er kynlífstæki eins og egg, sem mega fara alla leið inn í leggöngin. Ef varan er ekki ætluð fyrir rassinn eða er ekki með mjög breiðan enda á alls ekki að setja hana inn í rassinn nema þig langi í rúnt á bráðamóttökuna.

  • Rannsóknir hafa sýnt að sumar gerðir af gúmmí og PVC kynlífstækjum innihalda eitruð efni (phthalates) sem lekið geta úr kynlífstækinu og í líkamann. Það getur valdið hormónaójafnvægi og brjóstakrabbameini og skaðað æxlunarfærin. Þess má geta að þessi efni eru bönnuð í barnaleikföngum í Bandaríkjunum.

Sleipiefni

Sleipefni eru oftast með vatns-, sílikon eða olíu grunni og henta sum sleipiefni betur í tiltekna hluti.


Vatnsleysanleg (water-based)

Kostir:

  • Virkar vel með smokkum og kynlífstækjum og hentar vel fyrir viðkvæma húð.

  • Skilur ekki eftir sig bletti

Gallar:

  • Verandi vatnsleysanlegt virkar það ekki vel með vatni, t.d. í sturtu

  • Getur verið klístrað

  • Þornar fljótt

  • - Sílikonleysanlegt (silicone-based)

  • o Kostir:

  • Þarft minna í einu

  • Endist lengi

  • Virkar vel með vatni

Gallar:

  • Má ekki nota með sílikonkynlífsleikföngum

  • Gæti skilið eftir sig bletti

  • Aðeins erfiðara að skola af

Olíuleysanlegt (oil-based)

Kostir:

  • Endist lengi

  • Virkar vel með vatni

Gallar:

  • Má alls ekki nota með latex smokkum, getur leyst latexið upp

  • Gæti breytt áferðinni á sílikon kynlífstæki

  • Aðeins erfiðara að skola af

Smá um endaþarmsmök og sleipiefni

Ólíkt píkunni framleiðir endaþarmurinn ekki náttúrulegt sleipiefni. Ef stunda á endaþarmsmök er því nauðsynlegt að nota sleipiefni til að koma í veg fyrir óþarfa sársauka og svo hægt sé að njóta kynlífs og stunda það á sem öruggastan hátt. Húðin í kring um opið er mjög viðkvæm og lítið þarf til svo að litlar rispur eða sár myndist.

Það sem ætti að hafa í huga þegar kemur að sleipiefni fyrir endaþarmsmök

Flestum þykir þykkt sleipiefni betra en þunnt því þá er endaþarmurinn þakin þykkara lagi og gefur þannig aðeins meiri vörn. Sleipiefnið ætti að geta enst lengi, því endaþarmsmök taka oft lengri tíma en samfarir í leggöng, því það getur tekið lengri tíma að koma líkamshlutanum eða kynlífstækinu inn og venja endaþarminn við því, sérstaklega ef aðilarnir sem stunda það eru óvanir. Endaþarmsopið er þrengra en leggangaopið og þess vegna er einnig mikilvægt að þekja líkamshlutann eða kynlífstækið vel með sleipiefni áður en það fer inn.

17 views
 
  • Facebook

©2019 by Kynfræðifélag Íslands.